الدنيا دوارة /بقلم مشيرة النقيب

 😢(((((الدنيا. دوارة))))))😢

إوعاك تحسِب   أُمك شابة

دا الشعر ماليها من الشيب

أو تسمح  زوجتك تعاندها

دا في شرع الله اكبر عيب

   لو تقفل أبوابها عليها

قرب   منها    وزُق  الباب

إوعىَ  تفكر  صمتها  ضعف

دي حالة بتحصل في الألف

تصبر على شخص بيكرهها

سكاكينه بتطعن من الخلف

   و المكره عمره مايتدارَىَ

في البسمة الصفرا بيتوارَىَ

     لو حاول يسقيك حنية

 م السُم يشوف أخطر صَنف

        لكن ربنا رب النية

بيحاسب على نظرة وحرف

بكره هتبقى في نفس الدايرة

 بكرة هتقفوا ف نفس الصف

أ.مشيرة النقيب

6/1/2021