جاهزين /بقلم محمد السيد سالم
.....{جاهزين}.......
اللي نمتوا في يوم ظالمين
واللى تاجرتوا كتير بالدين
واللي حرمتموا يوم مسكين
انتوا جهزتوا ليوم الدين
جاهزين
ياللي كنت تارك لصلاتك
واللي منعت حتي زكاتك
واللي اكلت ميراث اخواتك
واللى عصيتوا كل حياتك
جاهزين
يللى خربت كثير في بيوت
وعن الحق رضيت بسكوت
قطر العمر عليك بيفوت
ولا بيهمك حتى الموت
جاهزبن
يا للي مشيت كتير فحرام
واللي بينقل كل كلام
واللي يتاجروا في الاوهام
واللي بينقض كل سلام
جاهزين
ياللي شهدت شهاده زور
واللي شربت كثير في خمور
واللى نهبت كمان فى اجور
واتحديت الموت بغرور
جاهزين
يللى عشت عاق والديك
واللى قبلت الربا بايديك
واللى اذيت الناس حواليك
واللى حسدت الناس بعنيك
جاهزين
يللى عملت مزاد لضميرك
اللى سرقت فلوس من غيرك
واللى قتلت غدر ياويلك
بكره اكيد الموت هجيلك
جاهزين
اللي خنت كثير لصاحابك
اللى شيطانك حتى مصاحبك
واللي يهمك بس مصالحك
واللي بتغدر باللي مصالحك
جاهزين
اللي بعتى رخيص و لنفسك
واللي جبتى العار لاهلك
واللي كشفتى عوره لجسمك
واللى شيطانك ليكى نداهلك
جاهزين
ياللى للمعروف جيت تنكر
واللي علي الحرام راح تقدر
واللي في خصامك بتفجر
واللي في وعودك بتغدر
جاهزين
فرصه وجايه لغاية عندك
يلا بسرعه و الحق نفسك
باب التوبه كمان مفتوح لك
توبه لربك علشان قبرك
جاهزين
كلمات
محمد السيد سالم
تعليقات
إرسال تعليق