وانت غايب /بقلم سيد المبروك
وانت غايب.
بقلم/سيد المبروك
وانت غايب عن عيونى حزين
ياللى بعدك اشبعنى الم و انين
توهت ادور ف الحوارى والدروب
ف الليالى المره و عذاب السنين
ياللى غايب عن عيونى...
طيفك بديلك.....زى ضلى رهين
ياللى غايب .. انت حاضر..
يا مجاور ف قلبى وريدى والوتين
قالوا البعيد...قلت كفى....
البعيد عن العين .. ف القلب مكين
ياللى قلبى فيك متيم....
ياللى روحى و قلبى بغيابك مجروحين
يا نبض الفؤاد و روح الروح..
كتبت رسالتى باكى والدموع شاهدين
صرخ هاتفى من الألم و الاااااه
لما غرق بدموع عيونى من كلمتين
ياللى ف عيونك دارى و سكنى
بعدك شريد قلبى... ويشتكى لمين؟
قلبك حجر صوان قاسى وعنيف
وانا إللى عايش ليلى بعيون سهرانين
من يوم غيابك .. يومى بسنه
و العمر فيه كام سنه يا نن العين؟
كفايه غياب..يا كل ناسى والاحباب
و اسعد فؤادى بلمسة حب و حنين
قرب يا قلبى.. واملأ حياتى.
فرحة وسعاده ياللى ف القلب سجين
#مجنون
#الفمر
سيد المبروك
تعليقات
إرسال تعليق