صاحبة الجلالة /بقلم شعبان محمد الطحان
صَاحبة الجلالة.. بقلمي.. شعبان محمد الطحان
ياصاحبة الجلالة
الكلمة الصادقة ميتة
والكلمة الرديئة عماله تتعالى
وياما ناس عايشه عالة
على قفا ناس
بتاكل م الزبالة
والآخره قاموس الطهارة
محتاج فانوس إنارة
عشان نقدر نقول باستطاله
وانتي لا عُمر العَمر غيرتى
ولا ثورتى ..ولاغيرّتى حالة
كلمة حروفها تايهه بين السطور
لا عارفه قبلة ولا جايبه نور
الكلمة اللي ياما زرعت جسور
وياما هدَّت ظَلمة وقُصور
بقت غرقانة بين البحور
لا ليها بر ولا ليها عازه
""""""""
الكلمة ماتت فوق الورق
والحرف أصبح عَدم
والحِبر وِقع وانِدلق
ده انكسر حتى القلم
أحلف لا أقرأ ولا أكتب!!!!
ولا أجمع ولا أحسب
مدام أخرتها كلمة
لا بتقدّم ولا تأخر
بيقولوا السكوت نِعمة
وأنا قولت الكلمة أخطر
بس مين يقدّر !!!!!
بقلمي.. ابو رحاب الشاعر
تعليقات
إرسال تعليق