هذا عام غريب /بقلم الزروقي جواد
🌹هدا عام غريب 🌹
كان قاصح وصعيب
ما بقا فيه سلام
ما بقا فيه تعناق
تقطعات فيه الأرحام
كثر فيه شلا كلام
النفس ولات مضغوطة
ولا غير لغيار ولخصام
كثرت الموت بين الناس
كلها وكيف جاتو
هذا مات مغدور
هذا مات مقهور
هدا وصل أجالو
لكن الزمن غدار
بان على حقيقتو
شحال خوا من دار
راه الموت علينا حق
وحتى واحد مغادي يزهق
گالو ناس القبيلة
فلان شهد ومات
مات بين ولادو
فيهم البنات والولاد
اه گالو شهد ومات
و خلا وراه شلا حكايات
صحيحة ماشي إشاعات
والدنيا دارت فينا لبغات
🌹 الزروقي جواد 🌹
المغرب
تعليقات
إرسال تعليق