مابيني وبيني /بقلم زكي محمد
مابيني وبيني
برغم إني بيني وبينك
يدوب خطوتين
برغم ان عيني فى عينك
قصايد حنين
برغم الآهات اللى دابت
فى كاس الأنين
ما هقدر أقولها بحبك
لأني بحبك ما بيني وبيني
وأخاف إني أقولها
لا يسمعها غيرى
وأكونلك أسير
برغم الأنين
ورغم إني عارف
بأن القلوب اللى حبت
هتفضل بقايا الساعات
اللى دقّت فى عمري الحزين
برغم الأنين
مسافر وعارف
بإنك طريقي
لأني اشتريتك
يا عمري الحقيقي
وصنت السنين
برغم الأنين
ولكن أكيد
لما صوت المطر
هيرجع يدق الإزار
اللى فاصل
ما بيني وبينك
ويرسملى صورتك
فى ورق الشجر هيكتب
..بحبك بحبك.. بحبك
برغم الأنين#_زكى_محمد
تعليقات
إرسال تعليق