وهيبة وزيان /بقلم محمد بلشقر
🛑 وهيبة وزيان🛑
*********
ولات حديث على كل لسان
فيديو مفبرك مزيان
باش يشوهو صورة الإنسان
اللي كينطق بالحق في هذ الزمان
تلفيق التهم بالمجان
يشوهوه ويصوروه عريان
لا بغيتو تعتاقلوه
سيروا ليه نيشان
ضبطوه متلبس في المكان
علاش تحبكوا مسرحية
من فعايل الشيطان
من بعد لكسايد
ولوح في الويدان
والسكة ديال تران
والقتل بالسم والقطران
اخترعوا قمع جديد
شي صورتوه بالجنس
وهو سكران
باش تحطموا الشجعان
✍️✍️✍️
الضحية وهيبة
هاجرت لمريكان
وبقى الحكم يواجهو زيان
إييييييخ على زمان
واش الكرامة وحقوق الإنسان
خونتوا الرجال
وشجعتوا الرعوان
البلاد اكثر فيها الطغيان
إما تردخ إما مصيرك
السجن ورا القظبان
هذه الصحافة دبلعمان
وخصايل حديدان
من بعد الريسوني وبوعشرين
جا دورك يازيان
تحية للشجعان
اللي ما رضاو بالهوان
شحال ما طال الليل
لازم يطلع الفجر والحق يبان.
مجدوب الحرف : محمد بلشقر 2020
تعليقات
إرسال تعليق