على مصطبة الايام /بقلم احمد العدل
...(على مصطبة الايام)...
****
-تعالى نقعد سوا
على مصطبة الايام
-نعيد ليالي الهنا
ونطير مع الأنغام
-نقول ونحكي وانا
عاشق في قلبي هيام
-الذكرى زي الهوا
والعام يروح ورا عام
-نبدأ منين الحكا
ونروح لفين قدام
-تهنا وتاه حلمنا
والعمر راح في منام
-شوفوا طريق عمرنا
يامفسرين الاحلام
-تعالى نحكي سوا
ما علينا أي ملام
نركب نجوم السما
نبعد عن الألغام
-نسرق ساعات المنا
مع ذكريات الاعوام
يا عام كفاية كدا
يا مكسر الأرقام
والله طال صبرنا
عدي بقا بسلام
كسرنا كل القلل
ومعدش لينا لجام
نشفت ليه دمنا
إمشي بقا دا حرام
يمكن نشوف حظنا
ونلاقي عام بسام
جايز يكون كان لنا
وياك حظوظ وغرام
بس انت عيشتنا
أيام ولا الأفلام
يالا أخدنا بختنا
ومعدش فيها كلام
ومعدش فيها كلام
***
تحياتي/أحمدالعدل
-
تعليقات
إرسال تعليق