حبيبه /بقلم علي عبد الرحيم محمد
حبيبه
؛ ؛؛؛؛؛؛؛
حبيبه ياحبيبه حبيبه
على قد ماوخداني
الخطاوي الغريبه
على قد ما ب أعاني
من دقاتي الوحيده
انتي ياتوتايه انتي ياعنبايه
انتي لحني ف غنايه
ول دق قلبي عشيقه وحبيبه
حبيبه يا حبيبه حبيبه
لما تمري قدام قلبي
داري الكحله داري وخبي
الليل والنهار عايشين ف عنيكي
والشوق ب استمرار واخدني ليكي
داري الكحله هدى النار
قلبي يعشق وانا احتار
ياحبيبه انا ايه ذنبي
ف عز النهار أستنى النجوم تعدي
وبتعدي حاجه غريبه غريبه
حبيبه ياحبيبه حبيبه
يا زارعه الورد ف ملامحك
من قبل وجودك وقلبي حاسك
ياترى ح نتقابل ياورد ابيض
ولا الزمن ح يتوه ويعند
وتدبل جوانا الضحكايه
وتحزن ل هوانا الحكايه
والتوتابه وتكعيبة العنبايه
والنجمه التايها الغريبه
حبيبه ياحبيبه حبيبه
يا خمر حلال يا فكري فيها
يا جنه يانار ياسحر عنيها
امتى يجمعنا دار وتنور لياليها
وليلي يصبح نهار ونحضن الامطار
وتغيب الغيمه العجيبه
اه حبيبه ياحبيبه حبيبه
ياترى ح نتقابل ياورد ابيض
ولا الزمن ح يتوه ويعند
وتدبل جوانا الضحكايه
حبيبه يا حبيبه حبيبه
على عبدالرحيم محمد
تعليقات
إرسال تعليق