جواب للحبيب /بقلم سلوى ابو دهب
(جواب للحبيب في الغربة)
(مشهد من ايام الغربة زمان ووسائل الاتصال القديمة)
حبيبي اللي مسافر في غربته
حبيت ابعتله مشاعري
أشواق ومحبة وسلامات
بعتله سلام مني ومن الأهل
في جواب
كتبتله فيه تحيات مني
ومن الأهل وموادات
عيسلم عليك ابوك
ويدعي ليك ليل ونهار
بطولة العمر والعافية
بعد ما بعتله القرشينات
وراح للدكتور وطاب في الحال
وعتسلم عليك امك
اللي بعتلها الشال القطيفة الأزرق
ولفته في الشتا وادفت
وعتقولك عدعي ليك يا ولدي
من قلبي ومش ناسياك
بعتالك ياولدي كل حاجه
عتحبها ونفسك فيها
ابقي طمنا عليك بشريط
وما تقطعش الجوابات
عيسلموا عليك عيالك
محمد وإسماعيل وزين
نجحوا في الامتحان وجابوا
شهادتهم والدرجات النهائية
عيقولوا ليك يا ابه أمانة عليك
ما تطول الغياب
وهقولك علي حاجه وما تزعلش
قبل ما يخبرك حد عندك
ما تقلقش
زين الصغير طلع من البيت الصبح
يلعب قدام البيت مع العيال
وما جاش في ميعاده
وقلبي عليه اتخض
رحت لجده وفر دور عليه
وما لقيهوش
يا ناس حدش شاف زين
وبعد ساعتين من التدوير عليه
جه واحد راجل ولد حلال ومعاه الواد
اتاريه ولد ابن سلام في الناحية القبلية
يشكر جابه من عنده في الحال
واقولك سلام
هاكتبلك جواب تاني
الدور اللي جاي لما يسافر
حد من البلد نواحينا
وان شاء الله
هابعتلك في البوسطة الجوابات
🌲 انتهت 🌲
بقلمي/سلوي ابودهب ابوالمجد
تعليقات
إرسال تعليق