حب العقل /بقلم صبري حسين
هذا الكلام علي لسان صديق عزيز
أحب انسانة حب من طرف واحد وهي تحب غيره
**********************************************
( كلام العقل) كلمات /صبري حسين
فضلت
ارتب افكاري
من بستان الحروف
أجمع كلامي
اخد نفس عميق مليت صدري
انتفض عقلي
بقراري فرح قلبي
اخيرا هخرج عن صمتي
هبوح بكل اللي في نفسي
اول ماشوفتها حاولت ابدا كلامي
هي سبقتني
قالت فينك يا صديقي
انا لي فترة بدور عليك
محتاجة مشاورتك
باللي جوايا عايزة اعترفلك
الدنيا درات بي
معقولة تكون الدنيا ضحكت لي
واللي في قلبها نفس اللي في قلبي
ابتسامة طارت مني
خرجت غصب عني
قلت اتفضلي يا صديقتي
تنهيدة خرجت منها
كانت هتحرقني
سكتت كانها بدور علي الكلام
اتكلمي يا صديقتي
انا منتظر كلامك
قالت حبيبي
وقتها كان هيقف قلبي
الدنيا كلها مش سيعاني
رقصت طيور احلامي
سمعت صوت قلبي
ياما اتمنيت اسمعها منك
وانا عايش قمة فرحي
صوتها فوقني من حلمي
يا صديقي
حبيبي اللي بحبه
زعلان مني
مش هكذب عليك يا صديقي
انا بحبه اكتر من حبي لنفسي
هو ضي عيني
نبض قلبي
هو كل حياتي
من ساعة مازعل مني
وانا زعلانة من نفسي
قلبي واجعني
الدمع مانشف من عيني
الدنيا فاضية علي
صدقني يا صديقي
حبيبي بالنسبة لي كل الدنيا
هو اهلي وكل ناسي
هو اجمل احلامي
اغلي آمالي
نفسي يرضي عني
ويرجع تاني لعشي
انا بحبه اكتر من نفسي
قول لي اعمل ايه صديقي
برايك انصحني
بكلامك نور طريقي
ريح قلبي
انت اقرب صديق لي
بسمع كلامها
وقلبي بينزف
خايف لتسمع صوته
الكلام متكسر علي شفايفي
الدنيا كلها بدور بي
مع وسعها شايفها خرم ابرة
يارب صبرني
اقف جنبي
خليني الملم نفسي
اديني القدرة
اني اساعدها
بحبها وهي بتحب غيري
الحب لا ببدي ولا بيدها
لازم اقف جنبها
اكون دايما في ضهرها
اللي يهمني فرحها
حتي ولو كان علي حساب نفسي
حوار داير بين قلبي وعقلي
لازم ارجع لنفسي
وافوق من احلامي
بسرعة انتبهت لنفسي
يا صديقتي العزيزة
اهدي شوية
الحب اللي بينكم
اكبر من كل المشاكل
الايام مش دايما علي حال
ابدائي انت بالسؤال
مع اول حرف منك
هينسي كل اللي حصل منك
وقلبه هيحضن قلبك
انا متاكد انك
ماغبتي عنه ثانبة
ده انت له كل الدنيا
الحب يا صديقتي
بيغفر كل حاجة
انت في قلبه
وهو في قلبك
بيحبك اكتر من حبك
انت انسانة فعلا تتحبي
انا سعيد انك صديقتي
صدقيني في غلاوة اختي
اترسمت علي شفايفها اجمل ابتسامة
ابتسامة للفرحة علامة
قالت شكرا يا صديقي
كلامك ريحني
طمن قلبي
سرحت تاني بخيالي
سمعت صوت قلبي
بتقول لي كلامك ريحني
آه لو تعرفي
كلامك دبحني
حطم احلامي
قطف زهور فرحتي
قتل قلبي
جري الدمع علي خدودي
يارب من عذابي ارحمني
علي صوتها انتبهت لنفسي
بتقول شكرا يا صديقي
كلامك فعلا ربحني
طمن قلبي
فعلا ونعم الصديق
دايما بلاقيك واقف جنبي
ابتسمت وقلت مفيش بنا شكر يا اختي
ربنا يسعدك مع حبيك
الخير والفرح في طريقك
صرخ قلبي
وانا ايه ذنبي
يارب من صاحبي ارحمني
صبري حسين
تعليقات
إرسال تعليق