خواطر /بقلمي محمد عباس
خواطر بعنوان :( ( الخالع والمخلوع )
لاانا خالع ولامخلوع
ولافكرت يوم فى رجوع
اعيش واحيي واموت م الجوع
ولايمكن اعيش فى خضوع
تعالى ندرس الموضوع
بنطفى بايدنا احلي شموع
طمع وجشع وبقي مشروع
يارب الكون بكل خشوع
جنيه واحد ابات مخلوع
صبايا كل يوم بتضيع
بحكم قرار سريع وخضوع
مين الخالع ومين مخلوع
مين الشارى ومين موجوع
اشوف ابنى بيحضنى
ونظرة فى عينه تالمنى
بعدت عنى هتفتنى
فارقت قلبي ونسيتنى
ومين غيرك هيسقينى
ويمسح دمعه من عينى
ومن نهر حنانه يدينى
اجيلك ولاهتجيلى
في رحلة عمرى وانيني
نزعت الطيبة من قلبي
وكل الدم فى وريدى
بسيب احزانى تغدربي
دعيت ودموع على جبينى
يارب قصاصك العادل
سهر ودموع انا قابل
ابيع روحى والا اتنازل
بحق الله اكون عازل
بقلم محمد عباس
الاسماعيليه . مصر
تعليقات
إرسال تعليق