دنيا مجنونة /بقلم علي عبد الرحيم
دنيا مجنونه
؛؛؛؛؛؛ :؛؛؛؛؛؛؛؛؛؛
مهرجان الجونه وسوق التلات
تحت سما واحده
فوق أرض واحده
رغم بعد المسافات
دنيا بنت مجنونه
فيها البيه والشحات
خلق عشان اللقمه والهدمه
بتدوخ سبع دوخات
وخلق ع المونيكير راسمه
حرير وسولتير وأحدث سيارات
مهرجان الجونه وسوق التلات
مش حسد لآلا ولا حقد لالا
الأرنب يا أسد شبع من الاه
ولف من العوزه سبع لفات
الجبنه ياللي عايزه الجبنه
القشطه ياللي عايزه القشطه
تعبنا والله يادنيا تعبنا
والشقي دوب دقات قلوبنا
يا ام الخير انتي فين فين
وحق الغلابه من سنين فين
وكدبنا والله كدبنا لما قلنا
مهرجان الجونه وسوق التلات
احباب أصحاب قرايب اخوات
ناس حروووفها من دهب
وناس شعورها علقم واهات
على مين يا سنين العتب
على البيه ولا على الشحات
دنيا بنت مجنونه
ف شهادة الحق بتعشق السكات
على عبدالرحيم محمد
تعليقات
إرسال تعليق