حلمت اكون ليكي /بقلم علي محمود السعداوي
بقلمى/ الشاعر على محمود السعداوى
البلد/ مصر
13/11/2020
،،،،،،،،،،،،، ( حلمت أكون ليكى ) ،،،،،،،،
حاولت أنسج خيوط العشق جواكى
وانا بحلم وحلم العمر أكون ليكى
دريت الحب جواية ومقدرتش
رمانى الشوق على أعتاب لياليكى
غزلت شباكى للبحر الى يهواكى
عشان أعرف أراضيكى فراضيكى
غرقت فى بحر أشجانك ومطلعتش
ومعرفتش ملامحك لاجل اسميكى
نسيت البحر والمرسى ومنسيتك
بقيت فى الحب بهواكى وملاقيكى
فليه اللوم عشان جاهل أراضيكى
نسيت إسمك وكان الذنب مش ذنبى
أنا نفسى نسيت شكلى نسيت إسمى
ورغم التوهه مخدتنى ونستنى
رسمت البسمة فى عيونك على وشى
ومعرفتش بأنك قلب راح يقسى
ورغم القسوة معرفتش كمان اقسى
حاولت اهرب عشان منسى الحنين ليكى
لقيت أنفاسى بنساها وبناديكى
فمسمعتيش ندى قلبى الى كان ليكى
ساعتها عرفت من هجرك
بأنك دنيا مش لي ولاليكى
تعليقات
إرسال تعليق