محتاج دليل /بقلم نبيل عبد الحليم
(محتاج دليل)
بعد ماغيرت حالي
لسه جاي محتاج دليل
شربت منك كاس مراري
وبعدي عنك مستحيل
لما يوقف نبض قلبي
نبض قلبك كان بديل
لسه فيه وقت تخبي
كنت فاكرك نهجت دربي
قولت أصبر يمكن لعلي
فى الهوى لساك بخيل
لسه جاي محتاج دليل
ولا جاي تشفي غليل
وقلبي م الاشواق عليل
مش كفايه غيرت حالي
مش كفايه شغلت بالي
مش كفايه على قلبي غالي
مش كفايه فى الليل بلالي
وعند طيفك بستكين
قلبي صحيح حبك بسرعه
والساعات هى اللي فارقه
ما الإنتحار بيكون بسرعه
وموته مش محتاج سنين
أوعى تهجر أو تفارق
همس صوتك معايا فارق
فى الهوى أنا قلبي غارق
ونهر حبك سلسبيل
فى البعاد موتي فى بعدك
كسر قلبي محتاج لجبرك
حالي ياريت يدركه علمك
ولسه جاي محتاج دليل
جف من محبرتي حبري
وتم فيك نفاذه صبري
إبقى قابلني عند قبري
وبلاش دموع م العين تسيل
ما دمت لسه محتاج دليل
يبقى موتي هو السبيل
ولا قولي
يبقى أيه هو الدليل
بقلمي
نبيل عبدالحليم
14/11/2020
تعليقات
إرسال تعليق