غرفة الاعدام /بقلم علي عبد الرحيم
غرفة الاعدام
؛؛؛؛؛؛؛؛؛؛؛؛؛؛؛؛؛؛؛؛؛
لحظة دخولوا غرفة الاعدام
كل اللي بيقولوا
اخيرا ح تداوى يا الام
حبلك ياعشماوي ارحم
من دنيا الخيانه والظلام
ورجليه شيلاه والعيون شيفاه
وهو وضميره الحقاني
رافض يقول الاه
واللي بيصرخ جواه
اكتر واقوي من كل معاني الكلام
في غرفة الاعدام
نظرات عطف وعنف وانتقام
ف غرفة الاعدام
نبضات من جبل
بتقرأ نهاية الاجل
وترتاح من وجع العلل
ياضحية غدر الايام
ف غرفة الاعدام
نفسك في ايه يامذنب
من غير ما ألوم ولا اعتب
نفسي اعرف عاملت كدا لبه
نفسي اعرف ذنبي انا ايه
هيه الخاينه هيه الجانيه
مش انا لالا مش انا
انا اللي زرعت لها
ف أرض قلبي فدادين احساس
وانا اللي حبتها حب لسه
ما نزلش ف قلوب الناس
هي اللي كسرت حروف اسمي
هيه اللي شوهت ملامح رسمي
عشان تكون عشيقه ل خصمي
هيه الخاينه هيه الجانيه
مش انا لالا مش انا
انا اللي بنيت ف كل دقة
قلب عشتها حب واخلاص
وانا اللي سقيت كل لحظة
غدر عشتها طيبه وفاء واحساس
هيه اللي رسمت ملامح العار
هيه اللي كتبت قيدي يانار
هيه اللي خانت قلب الجمل
ولابست بكره والعفة والامل
توب العري والخزي والانكسار
حبها كان وهم وصدمه وانهيار
قيدي يانار ف قلبها قيدي يانار
ياريتني ما شوفتها بنت سواد الايام
خلتني اعرف يعني ايه قسوه وانتقام
خدي سكيني ف قلبك
اللي خاني ونسيني
قالت أه قلت لا لا
خدي تاني سكيني
يا ام قلب خاين واناني
زرع الوجع والعار ف أرض سنيني
فارقت الحياه ونزل المطر
من عيني
يكتب حروف أطهر واجمل الكلام
قيدي يانار ف قلبها قيدي يانار
هيه الخاينه هيه الجاينه
مش انا لا لا مش انا
اكتبوا نبضي وحكايتي
ياللي شايفين لحظة نهايتي
الحب والاحساس والاخلاص
كان وهم كان كذب كان احلام
ف غرفة الإعدام نهاية روح
نهاية وجع والأم غرفة الاعدام
على عبدالرحيم محمد
تعليقات
إرسال تعليق